takmil-e-manazir mein abhi koi kami hai
takmīl-e-manāzir meñ abhī koī kamī hai
us aañkh ke paanī meñ namak hai ki namī hai
ik shaam ke chehre pe safedī kā hai saaya
ik sub.h ke hoñToñ pe shafaq ḳhuub jamī hai
maiñ ab bhī kisī raah kī miTTī kā bharam huuñ
vo ab bhī kisī ranj ke lamhe meñ thamī hai
maiñ jis ke liye sāhab-e-inkār banā huuñ
us shaḳhs kī palkoñ meñ qayāmat kī ḳhamī hai
us ziist ke nāTak kā ye maqsūm hai 'bāsit'
us paar ḳhushī hai to phir is paar ġhamī hai
takmil-e-manazir mein abhi koi kami hai
us aankh ke pani mein namak hai ki nami hai
ek sham ke chehre pe safedi ka hai saya
ek subh ke honTon pe shafaq KHub jami hai
main ab bhi kisi rah ki miTTi ka bharam hun
wo ab bhi kisi ranj ke lamhe mein thami hai
main jis ke liye sahab-e-inkar bana hun
us shaKHs ki palkon mein qayamat ki KHami hai
us zist ke naTak ka ye maqsum hai 'basit'
us par KHushi hai to phir is par ghami hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
