hayat-e-soKHta-saman ek istiara-e-sham
hayāt-e-soḳhta-sāmāñ ik isti.āra-e-shām
chamak chamak ke bujhā hai koī sitāra-e-shām
kisī ko fā.eda-e-shām-e-ḳhush-ḳhisāl milā
kisī ke hisse meñ likkhā gayā ḳhasāra-e-shām
bujhā rahe haiñ charāg-e-shaguftagī-e-bahār
samajh chuke haiñ bahut ham bhī ye ishāra-e-shām
isī qadar hai hayāt-o-ajal ke biich kā farq
ye ek dhuup kā dariyā vo ik kināra-e-shām
junūñ kī bazm sajī hai isī ke saa.e meñ
ki ham to girne nahīñ deñge ye manāra-e-shām
hayat-e-soKHta-saman ek istiara-e-sham
chamak chamak ke bujha hai koi sitara-e-sham
kisi ko faeda-e-sham-e-KHush-KHisal mila
kisi ke hisse mein likkha gaya KHasara-e-sham
bujha rahe hain charag-e-shaguftagi-e-bahaar
samajh chuke hain bahut hum bhi ye ishaara-e-sham
isi qadar hai hayat-o-ajal ke bich ka farq
ye ek dhup ka dariya wo ek kinara-e-sham
junun ki bazm saji hai isi ke sae mein
ki hum to girne nahin denge ye manara-e-sham
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
