aane wali hai raat sham hui
aane vaalī hai raat shaam huī
raushnī bas yahīñ tamām huī
kis ko honā thā mere naam magar
kaisī mahrūmī mere naam huī
bebasī ne lagā dī yaas pe mohr
hujjat ummīd kī tamām huī
ek būḌhī yaqīn kī duniyā
ek pal meñ ḳhayāl-e-ḳhām huī
chhoḌ dī zabt ne bhī zaḳhm kī baag
Tiis bhī khul ke be-lagām huī
mauj-dar-mauj saf-ba-saf hue ġham
zindagī sab kī pesh-imām huī
ḳhush huā ḳhuuñ jalā ke dil bhī 'safīr'
chashm-e-girya bhī shād-kām huī
aane wali hai raat sham hui
raushni bas yahin tamam hui
kis ko hona tha mere nam magar
kaisi mahrumi mere nam hui
bebasi ne laga di yas pe mohr
hujjat ummid ki tamam hui
ek buDhi yaqin ki duniya
ek pal mein KHayal-e-KHam hui
chhoD di zabt ne bhi zaKHm ki bag
Tis bhi khul ke be-lagam hui
mauj-dar-mauj saf-ba-saf hue gham
zindagi sab ki pesh-imam hui
KHush hua KHun jala ke dil bhi 'safir'
chashm-e-girya bhi shad-kaam hui
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
