laDne ko to hoti nahin lashkar ki zarurat
laḌne ko to hotī nahīñ lashkar kī zarūrat
ik daur meñ kaafī thī bahattar kī zarūrat
jo mere liye hī ho pareshānī kā bā'is
mujh ko nahīñ aise kisī rahbar kī zarūrat
kaafī hai Dubone ke liye ek hī qatra
kis ko hai jahāñ meñ yuuñ samundar kī zarūrat
shīshe ke makāñ un ko hī achchhe nahīñ lagte
jin ko hai hamesha se hī patthar kī zarūrat
laDne ko to hoti nahin lashkar ki zarurat
ek daur mein kafi thi bahattar ki zarurat
jo mere liye hi ho pareshani ka ba'is
mujh ko nahin aise kisi rahbar ki zarurat
kafi hai Dubone ke liye ek hi qatra
kis ko hai jahan mein yun samundar ki zarurat
shishe ke makan un ko hi achchhe nahin lagte
jin ko hai hamesha se hi patthar ki zarurat
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
