sabhi ko apna samajhta hun kya hua hai mujhe
sabhī ko apnā samajhtā huuñ kyā huā hai mujhe
bichhaḌ ke tujh se ajab rog lag gayā hai mujhe
jo muḌ ke dekhā to ho jā.egā badan patthar
kahāniyoñ meñ sunā thā so bhognā hai mujhe
maiñ tujh ko bhuul na paayā yahī ġhanīmat hai
yahāñ to is kā bhī imkān lag rahā hai mujhe
maiñ sard jañg kī aadat na Daal pā.ūñgā
koī mahāz pe vāpas bulā rahā hai mujhe
saḌak pe chalte hue āñkheñ band rakhtā huuñ
tire jamāl kā aisā maza paḌā hai mujhe
abhī talak to koī vāpsī kī raah na thī
kal ek rāhguzar kā pata lagā hai mujhe
sabhi ko apna samajhta hun kya hua hai mujhe
bichhaD ke tujh se ajab rog lag gaya hai mujhe
jo muD ke dekha to ho jaega badan patthar
kahaniyon mein suna tha so bhogna hai mujhe
main tujh ko bhul na paya yahi ghanimat hai
yahan to is ka bhi imkan lag raha hai mujhe
main sard jang ki aadat na Dal paunga
koi mahaz pe wapas bula raha hai mujhe
saDak pe chalte hue aankhen band rakhta hun
tere jamal ka aisa maza paDa hai mujhe
abhi talak to koi wapsi ki rah na thi
kal ek rahguzar ka pata laga hai mujhe
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
