saba dekh ek din idhar aan kar ke
sabā dekh ik din idhar aan kar ke
ye dil bhī paḌā hai gulistān kar ke
yahī dil jo ik buuñd hai bahr-e-ġham kī
Dubo degā sab shahr tūfān kar ke
miyāñ dil ko is ā.ina-rū ke aage
jo rakhnā to yak-laḳht hairān kar ke
ḳhudā jaane kyā asliyat ġhair kī hai
dikhe hai banī-nau-e-insān kar ke
use ab raqīboñ meñ paate haiñ aksar
rakhā jis ko ḳhud se bhī anjān kar ke
dikhā deñge achchhā isī fasl-e-gul meñ
garebān ko ham garebān kar ke
hamāre to ik ghar bhī hai bhaa.ī majnūñ
paḌe haiñ usī ko bayābān kar ke
saba dekh ek din idhar aan kar ke
ye dil bhi paDa hai gulistan kar ke
yahi dil jo ek bund hai bahr-e-gham ki
Dubo dega sab shahr tufan kar ke
miyan dil ko is aaina-ru ke aage
jo rakhna to yak-laKHt hairan kar ke
KHuda jaane kya asliyat ghair ki hai
dikhe hai bani-nau-e-insan kar ke
use ab raqibon mein pate hain aksar
rakha jis ko KHud se bhi anjaan kar ke
dikha denge achchha isi fasl-e-gul mein
gareban ko hum gareban kar ke
hamare to ek ghar bhi hai bhai majnun
paDe hain usi ko bayaban kar ke
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
