sab dekhne wale unhen ghash khae hue hain

sab dekhne vaale unheñ ġhash khaa.e hue haiñ

is par bhī ta'ajjub hai vo sharmā.e hue haiñ

ai jān-e-jahāñ ham ko zamāne se ġharaz kyā

jab kho ke zamāne ko tujhe paa.e hue haiñ

hairān huuñ kyuuñ mujh ko dikhā.ī nahīñ dete

suntā huuñ mirī bazm meñ vo aa.e hue haiñ

nisbat kī ye nisbat hai sharaf kā ye sharaf hai

tere haiñ agar ham tire Thukrā.e hue haiñ

hai dekhne vāloñ ko sambhalne kā ishārā

thoḌī sī naqāb aaj vo sarkā.e hue haiñ

sab dekhne wale unhen ghash khae hue hain

is par bhi ta'ajjub hai wo sharmae hue hain

ai jaan-e-jahan hum ko zamane se gharaz kya

jab kho ke zamane ko tujhe pae hue hain

hairan hun kyun mujh ko dikhai nahin dete

sunta hun meri bazm mein wo aae hue hain

nisbat ki ye nisbat hai sharaf ka ye sharaf hai

tere hain agar hum tere Thukrae hue hain

hai dekhne walon ko sambhalne ka ishaara

thoDi si naqab aaj wo sarkae hue hain