rifat kabhi kisi ki gawara yahan nahin

rif'at kabhī kisī kī gavārā yahāñ nahīñ

jis sar-zamīñ ke ham haiñ vahāñ āsmāñ nahīñ

do roz ek vaz' pe rañg-e-jahāñ nahīñ

vo kaun sā chaman hai ki jis ko ḳhizāñ nahīñ

'ibrat kī jā hai lākhoñ hī tifl o javāñ nahīñ

piirī meñ bhī ḳhayāl ajal kā yahāñ nahīñ

dushman agar vo dost huā hai to kyā 'ajab

yaañ e'timād-e-dostī-e-jism-o-jāñ nahīñ

raftār naaz meñ ye lachak jaatī hai ki bas

goyā tirī kamar meñ sanam ustuḳhvāñ nahīñ

mun'im ke shukr meñ bhī hilā.eñ kabhī kabhī

tanhā barā.e-lazzat-e-duniyā zabāñ nahīñ

pazhmurda ek hai to shagufta hai dūsrā

bāġh-e-jahāñ meñ fasl-e-bahār-o-ḳhizāñ nahīñ

jin ke suroñ par aap magas-rāañ rahe humā

un kā lahad meñ aaj koī ustuḳhvāñ nahīñ

dhokā na khā zurūf-e-vazū ko tū dekh kar

masjid hai mai-farosh kī 'nāsiḳh' dukāñ nahīñ

rif'at kabhi kisi ki gawara yahan nahin

jis sar-zamin ke hum hain wahan aasman nahin

do roz ek waz' pe rang-e-jahan nahin

wo kaun sa chaman hai ki jis ko KHizan nahin

'ibrat ki ja hai lakhon hi tifl o jawan nahin

piri mein bhi KHayal ajal ka yahan nahin

dushman agar wo dost hua hai to kya 'ajab

yan e'timad-e-dosti-e-jism-o-jaan nahin

raftar naz mein ye lachak jati hai ki bas

goya teri kamar mein sanam ustuKHwan nahin

mun'im ke shukr mein bhi hilaen kabhi kabhi

tanha barae-lazzat-e-duniya zaban nahin

pazhmurda ek hai to shagufta hai dusra

bagh-e-jahan mein fasl-e-bahaar-o-KHizan nahin

jin ke suron par aap magas-raan rahe huma

un ka lahad mein aaj koi ustuKHwan nahin

dhoka na kha zuruf-e-wazu ko tu dekh kar

masjid hai mai-farosh ki 'nasiKH' dukan nahin