raushni se kis tarah parda karenge
raushnī se kis tarah pardā kareñge
āḳhir-e-shab sochte haiñ kyā kareñge
vo sunahrī dhuup ab chhat par nahīñ hai
ham bhī ā.īñe ko ab andhā kareñge
jism ke andar jo sūraj tap rahā hai
ḳhuun ban jaa.e to phir ThanDā kareñge
ghar se vo nikle to bus-stand tak hī
us kā saaya ban ke ham pīchhā kareñge
aañkh pathrā jā.egī ye jānte haiñ
phir bhī is manzar meñ ham khoyā kareñge
raushni se kis tarah parda karenge
aaKHir-e-shab sochte hain kya karenge
wo sunahri dhup ab chhat par nahin hai
hum bhi aaine ko ab andha karenge
jism ke andar jo suraj tap raha hai
KHun ban jae to phir ThanDa karenge
ghar se wo nikle to bus-stand tak hi
us ka saya ban ke hum pichha karenge
aankh pathra jaegi ye jaante hain
phir bhi is manzar mein hum khoya karenge
- Book : shab khuun (48) (rekhta website) (Pg. 59)
- Edition : 1970
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
