rah-e-KHizan mein talash-e-bahaar karte rahe

rah-e-ḳhizāñ meñ talāsh-e-bahār karte rahe

shab-e-siyah se talab husn-e-yār karte rahe

ḳhayāl-e-yār kabhī zikr-e-yār karte rahe

isī matā.a pe ham rozgār karte rahe

nahīñ shikāyat-e-hijrāñ ki is vasīle se

ham un se rishta-e-dil ustuvār karte rahe

vo din ki koī bhī jab vaj.h-e-intizār na thī

ham un meñ terā sivā intizār karte rahe

ham apne raaz pe nāzāñ the sharmsār na the

har ek se suḳhan-e-rāz-dār karte rahe

ziyā-e-bazm-e-jahāñ baar baar maañd huī

hadīs-e-shola-ruḳhāñ baar baar karte rahe

unhīñ ke faiz se bāzār-e-aql raushan hai

jo gaah gaah junūñ iḳhtiyār karte rahe

rah-e-KHizan mein talash-e-bahaar karte rahe

shab-e-siyah se talab husn-e-yar karte rahe

KHayal-e-yar kabhi zikr-e-yar karte rahe

isi mataa pe hum rozgar karte rahe

nahin shikayat-e-hijran ki is wasile se

hum un se rishta-e-dil ustuwar karte rahe

wo din ki koi bhi jab wajh-e-intizar na thi

hum un mein tera siwa intizar karte rahe

hum apne raaz pe nazan the sharmsar na the

har ek se suKHan-e-raaz-dar karte rahe

ziya-e-bazm-e-jahan bar bar mand hui

hadis-e-shola-ruKHan bar bar karte rahe

unhin ke faiz se bazar-e-aql raushan hai

jo gah gah junun iKHtiyar karte rahe