raat leti hai raushni ko nigal

raat letī hai raushnī ko nigal

aaj apne diye chhupā ke chal

kal jo thī rahguzār mausam-e-gul

ab vahāñ sūkhtī hai haryāval

dhuup hai aur zindagī kā safar

'arsa-e-dahr be-shajar chaTiyal

vahī farhād-o-vā'da-e-shīrīñ

vahī ḳhusrau hai aur rāj-mahal

zindagī hai ki ḳhushk sī Tahnī

paat jis par kahīñ na phuul na phal

jis ke dāman se hun barastā ho

ham tak aayā na ek bhī bādal

apne paaoñ dhañse haiñ daldal meñ

duur jalte haiñ varna ab bhī kañval

khā rahā hai hameñ hayāt kā ghun

kal bhī be-kal the aaj bhī be-kal

lab tak aayā to ban gayā zahrāb

somras thā koī ki gangā-jal

ek shab kī hai baat so bhī 'farāz'

terī palkeñ haiñ niiñd se bojhal

raat leti hai raushni ko nigal

aaj apne diye chhupa ke chal

kal jo thi rahguzar mausam-e-gul

ab wahan sukhti hai haryawal

dhup hai aur zindagi ka safar

'arsa-e-dahr be-shajar chaTiyal

wahi farhad-o-wa'da-e-shirin

wahi KHusrau hai aur raj-mahal

zindagi hai ki KHushk si Tahni

pat jis par kahin na phul na phal

jis ke daman se hun barasta ho

hum tak aaya na ek bhi baadal

apne paon dhanse hain daldal mein

dur jalte hain warna ab bhi kanwal

kha raha hai hamein hayat ka ghun

kal bhi be-kal the aaj bhi be-kal

lab tak aaya to ban gaya zahrab

somras tha koi ki ganga-jal

ek shab ki hai baat so bhi 'faraaz'

teri palken hain nind se bojhal