qissa kitab-e-umr ka kya muKHtasar hua

qissa kitāb-e-umr kā kyā muḳhtasar huā

ruḳh dāstān-e-ġham kā idhar se udhar huā

mātam-sarā-e-dahr meñ kis kis ko roiye

ai vaa.e dard-e-dil na huā dard-e-sar huā

taskīn-e-dil ko rāz-e-ḳhudī pūchhtā hai kyā

kahne ko kah duuñ aur agar ulTā asar huā

āzād ho sakā na giraftār-e-shash-jahat

dil muft banda-e-havas-e-bāl-o-par huā

duniyā ke saath diin kī begār al-amāñ

insān aadmī na huā jānvar huā

fardā kā dhyān bāñdh ke kahtā hai mujh se dil

tū merī tarah kyuuñ na vasī-un-nazar huā

fardā ko duur hī se hamārā salām hai

dil apnā shaam hī se charāġh-e-sahar huā

qissa kitab-e-umr ka kya muKHtasar hua

ruKH dastan-e-gham ka idhar se udhar hua

matam-sara-e-dahr mein kis kis ko roiye

ai wae dard-e-dil na hua dard-e-sar hua

taskin-e-dil ko raaz-e-KHudi puchhta hai kya

kahne ko kah dun aur agar ulTa asar hua

aazad ho saka na giraftar-e-shash-jahat

dil muft banda-e-hawas-e-baal-o-par hua

duniya ke sath din ki begar al-aman

insan aadmi na hua jaanwar hua

farda ka dhyan bandh ke kahta hai mujh se dil

tu meri tarah kyun na wasi-un-nazar hua

farda ko dur hi se hamara salam hai

dil apna sham hi se charagh-e-sahar hua