tere samne to samajh raha tha ki phul tha

tire sāmne to samajh rahā thā ki phuul thā

tujhe kyā ḳhabar ki ye aa.inā thā ki phuul thā

tirā paañv shaam pe aa gayā thā ki chāñd thā

tirā hijr sub.h ko jal uThā thā ki phuul thā

tirā husn-e-sehr thā mumkināt kī had na thī

kaf-e-dast par tire ḳhaar ugā thā ki phuul thā

vo kamāl ruḳh thā kiran thī us pe kalī bhī thī

jo gale milā sar-e-shab diyā thā ki phuul thā

ye chaman bahisht ke the ki maañ kā vajūd thā

ye duā kā haath mahak uThā thā ki phuul thā

tere samne to samajh raha tha ki phul tha

tujhe kya KHabar ki ye aaina tha ki phul tha

tera panw sham pe aa gaya tha ki chand tha

tera hijr subh ko jal uTha tha ki phul tha

tera husn-e-sehr tha mumkinat ki had na thi

kaf-e-dast par tere KHar uga tha ki phul tha

wo kamal ruKH tha kiran thi us pe kali bhi thi

jo gale mila sar-e-shab diya tha ki phul tha

ye chaman bahisht ke the ki man ka wajud tha

ye dua ka hath mahak uTha tha ki phul tha