paDi rahegi agar gham ki dhul shaKHon par
paḌī rahegī agar ġham kī dhuul shāḳhoñ par
udaas phuul khileñge malūl shāḳhoñ par
abhī na gulshan-e-urdu ko be-charāġh kaho
khile hue haiñ abhī chand phuul shāḳhoñ par
nikal paḌe haiñ hifāzat ko chand kāñTe bhī
huā hai jab bhī guloñ kā nuzūl shāḳhoñ par
havā ke sāmne un kī bisāt hī kyā thī
dikhā rahe the bahāreñ jo phuul shāḳhoñ par
nisār-e-gul ho milā hai ye izn bulbul ko
huā hai hukm gul-e-tar ko jhuul shāḳhoñ par
vo phuul pahuñche na jaane kahāñ kahāñ 'rahbar'
nahīñ thā jin ko Thaharnā qubūl shāḳhoñ par
paDi rahegi agar gham ki dhul shaKHon par
udas phul khilenge malul shaKHon par
abhi na gulshan-e-urdu ko be-charagh kaho
khile hue hain abhi chand phul shaKHon par
nikal paDe hain hifazat ko chand kanTe bhi
hua hai jab bhi gulon ka nuzul shaKHon par
hawa ke samne un ki bisat hi kya thi
dikha rahe the bahaaren jo phul shaKHon par
nisar-e-gul ho mila hai ye izn bulbul ko
hua hai hukm gul-e-tar ko jhul shaKHon par
wo phul pahunche na jaane kahan kahan 'rahbar'
nahin tha jin ko Thaharna qubul shaKHon par
- Book : Mujalla Dastavez (Pg. 505)
- Author : Aziz Nabeel
- Publication : Edarah Dastavez (2013-14)
- Edition : 2013-14
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
