nind bhi tere bina ab to saza lagti hai
niiñd bhī tere binā ab to sazā lagtī hai
chauñk paḌtā huuñ agar aañkh zarā lagtī hai
fāsla qurb banā qurb bhī aisā ki mujhe
dil kī dhaḌkan tire qadmoñ kī sadā lagtī hai
dushman-e-jāñ hī sahī dost samajhtā huuñ use
bad-duā jis kī mujhe ban ke duā lagtī hai
ḳhud agar naam luuñ terā to laraztā hai badan
ġhair gar baat kare choT sivā lagtī hai
aise mahbas meñ janm apnā huā hai ki mujhe
har darīche se baḌī sard havā lagtī hai
tanz-āmez nahīñ hai mirā andāz-e-suḳhan
talḳh be-shak hai magar baat judā lagtī hai
nind bhi tere bina ab to saza lagti hai
chaunk paDta hun agar aankh zara lagti hai
fasla qurb bana qurb bhi aisa ki mujhe
dil ki dhaDkan tere qadmon ki sada lagti hai
dushman-e-jaan hi sahi dost samajhta hun use
bad-dua jis ki mujhe ban ke dua lagti hai
KHud agar nam lun tera to larazta hai badan
ghair gar baat kare choT siwa lagti hai
aise mahbas mein janm apna hua hai ki mujhe
har dariche se baDi sard hawa lagti hai
tanz-amez nahin hai mera andaz-e-suKHan
talKH be-shak hai magar baat juda lagti hai
- Book : Funoon (Monthly) (Pg. 440)
- Author : Ahmad Nadeem Qasmi
- Publication : 4 Maklood Road, Lahore (25Edition Nov. Dec. 1986)
- Edition : 25Edition Nov. Dec. 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
