nazar jo koi bhi tujh sa hasin nahin aata
nazar jo koī bhī tujh sā hasīñ nahīñ aatā
kisī ko kyā mujhe ḳhud bhī yaqīñ nahīñ aatā
tirā ḳhayāl bhī terī tarah sitamgar hai
jahāñ pe chāhiye aanā vahīñ nahīñ aatā
jo hone vaalā hai ab us kī fikr kyā kiije
jo ho chukā hai usī par yaqīñ nahīñ aatā
ye merā dil hai ki manzar ujaaḌ bastī kā
khule hue haiñ sabhī dar makīñ nahīñ aatā
bichhaḌnā hai to bichhaḌ jā isī do-rāhe par
ki moḌ aage safar meñ kahīñ nahīñ aatā
nazar jo koi bhi tujh sa hasin nahin aata
kisi ko kya mujhe KHud bhi yaqin nahin aata
tera KHayal bhi teri tarah sitamgar hai
jahan pe chahiye aana wahin nahin aata
jo hone wala hai ab us ki fikr kya kije
jo ho chuka hai usi par yaqin nahin aata
ye mera dil hai ki manzar ujaD basti ka
khule hue hain sabhi dar makin nahin aata
bichhaDna hai to bichhaD ja isi do-rahe par
ki moD aage safar mein kahin nahin aata
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
