nazar aane se pahle Dar raha hun
nazar aane se pahle Dar rahā huuñ
ki har manzar kā pas-manzar rahā huuñ
mujhe honā paḌegā reza reza
maiñ sar se paañv tak patthar rahā huuñ
kisī ko kyuuñ maiñ ye ezaaz baḳhshuñgā
maiñ ḳhud apnī hifāzat kar rahā huuñ
mujhī ko sruḳh-rū hone kā haq hai
ki maiñ apne lahū meñ tar rahā huuñ
mire ghar meñ to koī bhī nahīñ hai
ḳhudā jaane maiñ kis se Dar rahā huuñ
maiñ kyā jānūñ gharoñ kā haal kyā hai
maiñ saarī zindagī bāhar rahā huuñ
ta.alluq hai isī bastī se merā
hamesha se magar bach kar rahā huuñ
nazar aane se pahle Dar raha hun
ki har manzar ka pas-manzar raha hun
mujhe hona paDega reza reza
main sar se panw tak patthar raha hun
kisi ko kyun main ye ezaz baKHshunga
main KHud apni hifazat kar raha hun
mujhi ko sruKH-ru hone ka haq hai
ki main apne lahu mein tar raha hun
mere ghar mein to koi bhi nahin hai
KHuda jaane main kis se Dar raha hun
main kya jaanun gharon ka haal kya hai
main sari zindagi bahar raha hun
talluq hai isi basti se mera
hamesha se magar bach kar raha hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
