nawak-e-taza dil par mara jang purani jari ki
nāvak-e-tāza dil par maarā jañg purānī jaarī kī
aaj havā ne zaḳhm-e-kuhan meñ Duub ke tāza-kārī kī
jis kyārī meñ phuul khile the nāg-phanī sī lagtī hai
mausam-e-gul ne jaate jaate dekhā kyā dushvārī kī
ek taraf rū-e-jānāñ thā jaltī aañkh meñ ek taraf
sayyāroñ kī raakh meñ miltī raat thī ik bedārī kī
kū-e-bayāñ kī vīrānī se merā bhī jī baiTh gayā
muñh moḌe āvāz khaḌī hai sāz-e-rāh-sipārī kī
nawak-e-taza dil par mara jang purani jari ki
aaj hawa ne zaKHm-e-kuhan mein Dub ke taza-kari ki
jis kyari mein phul khile the nag-phani si lagti hai
mausam-e-gul ne jate jate dekha kya dushwari ki
ek taraf ru-e-jaanan tha jalti aankh mein ek taraf
sayyaron ki rakh mein milti raat thi ek bedari ki
ku-e-bayan ki virani se mera bhi ji baiTh gaya
munh moDe aawaz khaDi hai saz-e-rah-sipari ki
- Book : Kulliyat-e-Aziz Hamid Madni (Pg. 316)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
