muzhda ye saba us but-e-be-bak ko pahuncha

muzhda ye sabā us but-e-be-bāk ko pahuñchā

ye dūd-e-dil-e-soḳhta aflāk ko pahuñchā

paiġhām zabānī to nasīboñ meñ kahāñ thā

naama bhī na terā tire ġhamnāk ko pahuñchā

sad-chāk kiyā pairhan-e-gul ko sabā ne

jab vo na tirī ḳhūbī-e-poshāk ko pahuñchā

sahrā meñ 'havas' ḳhār-e-muġhīlāñ kī madad se

baare mirā ḳhuuñ har ḳhas-o-ḳhāshāk ko pahuñchā

muzhda ye saba us but-e-be-bak ko pahuncha

ye dud-e-dil-e-soKHta aflak ko pahuncha

paigham zabani to nasibon mein kahan tha

nama bhi na tera tere ghamnak ko pahuncha

sad-chaak kiya pairhan-e-gul ko saba ne

jab wo na teri KHubi-e-poshak ko pahuncha

sahra mein 'hawas' KHar-e-mughilan ki madad se

bare mera KHun har KHas-o-KHashak ko pahuncha