mohabbat chahiye baham hamein bhi ho tumhein bhi ho

mohabbat chāhiye bāham hameñ bhī ho tumheñ bhī ho

ḳhushī ho is meñ yā ho ġham hameñ bhī ho tumheñ bhī ho

ġhanīmat tum ise samjho ki is ḳhum-ḳhāne meñ yaaro

nasīb ik-dam dil-e-ḳhurram hameñ bhī ho tumheñ bhī ho

dilāo hazrat-e-dil tum na yād-e-ḳhatt-e-sabz us kā

kahīñ aisā na ho ye sam hameñ bhī ho tumheñ bhī ho

hamesha chāhtā hai dil ki mil kar kiije mai-noshī

mayassar jām-e-mai-e-jam-jam hameñ bhī ho tumheñ bhī ho

ham apnā 'ishq chamkā.eñ tum apnā husn chamkāo

ki hairāñ dekh kar 'ālam hameñ bhī ho tumheñ bhī ho

rahe hirs-o-havā daa.im 'azīzo saath jab apne

na kyūñkar fikr-e-besh-o-kam hameñ bhī ho tumheñ bhī ho

'zafar' se kahtā hai majnūñ kahīñ dard-e-dil-e-mahzūñ

jo ġham se fursat ab ik dam hameñ bhī ho tumheñ bhī ho

mohabbat chahiye baham hamein bhi ho tumhein bhi ho

KHushi ho is mein ya ho gham hamein bhi ho tumhein bhi ho

ghanimat tum ise samjho ki is KHum-KHane mein yaro

nasib ik-dam dil-e-KHurram hamein bhi ho tumhein bhi ho

dilao hazrat-e-dil tum na yaad-e-KHatt-e-sabz us ka

kahin aisa na ho ye sam hamein bhi ho tumhein bhi ho

hamesha chahta hai dil ki mil kar kije mai-noshi

mayassar jam-e-mai-e-jam-jam hamein bhi ho tumhein bhi ho

hum apna 'ishq chamkaen tum apna husn chamkao

ki hairan dekh kar 'alam hamein bhi ho tumhein bhi ho

rahe hirs-o-hawa daim 'azizo sath jab apne

na kyunkar fikr-e-besh-o-kam hamein bhi ho tumhein bhi ho

'zafar' se kahta hai majnun kahin dard-e-dil-e-mahzun

jo gham se fursat ab ek dam hamein bhi ho tumhein bhi ho