mishal-e-ummid thamo rahnuma jaisa bhi hai
mish.al-e-ummīd thāmo rahnumā jaisā bhī hai
ab to chalnā hī paḌegā rāstā jaisā bhī hai
kis liye sar ko jhukā.eñ ajnabī ke sāmne
us se ham vāqif to haiñ apnā ḳhudā jaisā bhī hai
kis ko fursat thī hujūm-e-shauq meñ jo sochtā
dil ne us ko chun liyā vo bevafā jaisā bhī hai
saarī duniyā meñ vo mere vāste bas ek hai
phuul sā chehra hai vo yā chāñd sā jaisā bhī hai
fasl-e-gul meñ bhī dikhātā hai ḳhizāñ-dīda-daraḳht
TuuT kar dene pe aa.e to ghaTā jaisā bhī hai
mishal-e-ummid thamo rahnuma jaisa bhi hai
ab to chalna hi paDega rasta jaisa bhi hai
kis liye sar ko jhukaen ajnabi ke samne
us se hum waqif to hain apna KHuda jaisa bhi hai
kis ko fursat thi hujum-e-shauq mein jo sochta
dil ne us ko chun liya wo bewafa jaisa bhi hai
sari duniya mein wo mere waste bas ek hai
phul sa chehra hai wo ya chand sa jaisa bhi hai
fasl-e-gul mein bhi dikhata hai KHizan-dida-daraKHt
TuT kar dene pe aae to ghaTa jaisa bhi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
