meri sham-e-gham ko wo bahla rahe hain
mirī shām-e-ġham ko vo bahlā rahe haiñ
likhā hai ye ḳhat meñ ki ham aa rahe haiñ
Thahar jā zarā aur ai dard-e-furqat
hamāre tasavvur meñ vo aa rahe haiñ
ġham-e-āqibat hai na fikr-e-zamāna
piye jā rahe haiñ jiye jā rahe haiñ
nahīñ shikva-e-tishnagī mai-kashoñ ko
vo āñkhoñ se mai-ḳhāne barsā rahe haiñ
vo rashk-e-bahār aane vaalā hai 'aḳhtar'
kañval hasratoñ ke khile jā rahe haiñ
meri sham-e-gham ko wo bahla rahe hain
likha hai ye KHat mein ki hum aa rahe hain
Thahar ja zara aur ai dard-e-furqat
hamare tasawwur mein wo aa rahe hain
gham-e-aqibat hai na fikr-e-zamana
piye ja rahe hain jiye ja rahe hain
nahin shikwa-e-tishnagi mai-kashon ko
wo aankhon se mai-KHane barsa rahe hain
wo rashk-e-bahaar aane wala hai 'aKHtar'
kanwal hasraton ke khile ja rahe hain
- Book : Junoon (Pg. 18)
- Author : Naseem Muqri
- Publication : Naseem Muqri (1990)
- Edition : 1990
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
