kashtiyon ko na-KHuda bhi chahiye
kashtiyoñ ko nā-ḳhudā bhī chāhiye
aur ḳhudā kā aasrā bhī chāhiye
in havāoñ ne bujhā.e haiñ charāġh
aur charāġhoñ ko havā bhī chāhiye
rakhnī hoñ qaa.em jo ye nazdīkiyāñ
rakhnā thoḌā fāsla bhī chāhiye
kuchh purāne dard bhī darkār haiñ
zaḳhm lekin ik nayā bhī chāhiye
manziloñ ke vāste 'gulshan' hameñ
rāsta bhī hausla bhī chāhiye
kashtiyon ko na-KHuda bhi chahiye
aur KHuda ka aasra bhi chahiye
in hawaon ne bujhae hain charagh
aur charaghon ko hawa bhi chahiye
rakhni hon qaem jo ye nazdikiyan
rakhna thoDa fasla bhi chahiye
kuchh purane dard bhi darkar hain
zaKHm lekin ek naya bhi chahiye
manzilon ke waste 'gulshan' hamein
rasta bhi hausla bhi chahiye
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
