mahshar mein bhi kisi ke uThaenge naz hum

mahshar meñ bhī kisī ke uThā.eñge naaz ham

aise niyāz-mand haiñ ai be-niyāz ham

hogī faqat sharīk-e-duā ek bekasī

mayyat par apnī aap paḌheñge namāz ham

vaa.iz yahī na kah de ki paidā hī kyoñ hue

duniyā meñ aa.eñ aur raheñ pāk-bāz ham

is meñ bhī koī bhed hai tum jānte nahīñ

kahte haiñ ek ek se kyoñ dil ke raaz ham

jab sunte haiñ ki aap pe do chaar mar ga.e

dilvāte haiñ raqīboñ kī apne niyāz ham

vo din ga.e ki 'dāġh' thī har dam butoñ kī yaad

paḌhte haiñ pāñch vaqt kī ab to namāz ham

mahshar mein bhi kisi ke uThaenge naz hum

aise niyaz-mand hain ai be-niyaz hum

hogi faqat sharik-e-dua ek bekasi

mayyat par apni aap paDhenge namaz hum

waiz yahi na kah de ki paida hi kyon hue

duniya mein aaen aur rahen pak-baz hum

is mein bhi koi bhed hai tum jaante nahin

kahte hain ek ek se kyon dil ke raaz hum

jab sunte hain ki aap pe do chaar mar gae

dilwate hain raqibon ki apne niyaz hum

wo din gae ki 'dagh' thi har dam buton ki yaad

paDhte hain panch waqt ki ab to namaz hum