jo rizq nahin ganw mein aaram to hai na
jo rizq nahīñ gaañv meñ ārām to hai nā
kuchh ḳhāna-ḳharāboñ meñ mirā naam to hai nā
tū bhuul gayā dil ko ye mā'lūm hai lekin
dar khol ke baiThā huuñ abhī shaam to hai nā
maanā ki nahīñ yaar tire nain sharābī
mastī meñ machaltā huā ik jaam to hai nā
chal jhuum ke chal ziist kī bastī meñ mire dost
is uljhī kahānī kā bhī anjām to hai nā
is shahr-e-tilismāt meñ kaafī hai ki 'hāmid'
do chaar sharīfoñ meñ tū bad-nām to hai nā
jo rizq nahin ganw mein aaram to hai na
kuchh KHana-KHarabon mein mera nam to hai na
tu bhul gaya dil ko ye ma'lum hai lekin
dar khol ke baiTha hun abhi sham to hai na
mana ki nahin yar tere nain sharabi
masti mein machalta hua ek jam to hai na
chal jhum ke chal zist ki basti mein mere dost
is uljhi kahani ka bhi anjam to hai na
is shahr-e-tilismat mein kafi hai ki 'hamid'
do chaar sharifon mein tu bad-nam to hai na
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
