hasil to kuchh nahin hai magar kar rahe hain log
hāsil to kuchh nahīñ hai magar kar rahe haiñ log
sahrā meñ ārzū-e-shajar kar rahe haiñ log
mumkin hai Duub jā.eñge ik roz dekhnā
kāġhaz kī kashtiyoñ meñ safar kar rahe haiñ log
vo log aur the jinheñ dastār thī 'azīz
ab to faqat hifāzat-e-sar kar rahe haiñ log
ik dūsre ko nīchā dikhāne pe lag ga.e
afsos 'umr is meñ basar kar rahe haiñ log
jiite jī koī qadr nahīñ kar rahā thā yaar
ab mar ga.e to aañkh ko tar kar rahe haiñ log
maiñ kyuuñ kisī ke rang meñ Dhal jā.ūñ 'monikā'
maiñ kyuuñ ġhalat karūñgī agar kar rahe haiñ log
hasil to kuchh nahin hai magar kar rahe hain log
sahra mein aarzu-e-shajar kar rahe hain log
mumkin hai Dub jaenge ek roz dekhna
kaghaz ki kashtiyon mein safar kar rahe hain log
wo log aur the jinhen dastar thi 'aziz
ab to faqat hifazat-e-sar kar rahe hain log
ek dusre ko nicha dikhane pe lag gae
afsos 'umr is mein basar kar rahe hain log
jite ji koi qadr nahin kar raha tha yar
ab mar gae to aankh ko tar kar rahe hain log
main kyun kisi ke rang mein Dhal jaun 'monika'
main kyun ghalat karungi agar kar rahe hain log
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
