mana-e-dasht-nawardi koi tadbir nahin

māna-e-dasht-navardī koī tadbīr nahīñ

ek chakkar hai mire paañv meñ zanjīr nahīñ

shauq us dasht meñ dauḌāye hai mujh ko ki jahāñ

jaada ġhair az nigah-e-dīda-e-tasvīr nahīñ

hasrat-e-lazzat-e-āzār rahī jaatī hai

jāda-e-rāh-e-vafā juz dam-e-shamshīr nahīñ

rañj-e-naumīdi-e-jāved gavārā rahiyo

ḳhush huuñ gar nāla-zabūnī kash-e-tāsīr nahīñ

sar khujātā hai jahāñ zaḳhm-e-sar achchhā ho jaa.e

lazzat-e-sañg ba-andāza-e-taqrīr nahīñ

jab karam ruḳhsat-e-bebākī-o-gustāḳhī de

koī taqsīr ba-juz ḳhajlat-e-taqsīr nahīñ

'ġhālib' apnā ye aqīda hai ba-qaul-e-'nāsiḳh'

aap be-bahra hai jo mo'taqid-e-'mīr' nahīñ

ā.īna daam ko parde meñ chhupātā hai abas

ki parī-zād-e-nazar qābil-e-tasḳhīr nahīñ

misl-e-gul zaḳhm hai merā bhī sināñ se tavvām

terā tarkash hī kuchh ābistanī-e-tīr nahīñ

mana-e-dasht-nawardi koi tadbir nahin

ek chakkar hai mere panw mein zanjir nahin

shauq us dasht mein dauDaye hai mujh ko ki jahan

jada ghair az nigah-e-dida-e-taswir nahin

hasrat-e-lazzat-e-azar rahi jati hai

jada-e-rah-e-wafa juz dam-e-shamshir nahin

ranj-e-naumidi-e-jawed gawara rahiyo

KHush hun gar nala-zabuni kash-e-tasir nahin

sar khujata hai jahan zaKHm-e-sar achchha ho jae

lazzat-e-sang ba-andaza-e-taqrir nahin

jab karam ruKHsat-e-bebaki-o-gustaKHi de

koi taqsir ba-juz KHajlat-e-taqsir nahin

'ghaalib' apna ye aqida hai ba-qaul-e-'nasiKH'

aap be-bahra hai jo mo'taqid-e-'mir' nahin

aaina dam ko parde mein chhupata hai abas

ki pari-zad-e-nazar qabil-e-tasKHir nahin

misl-e-gul zaKHm hai mera bhi sinan se tawwam

tera tarkash hi kuchh aabistani-e-tir nahin