lafz-o-manzar mein maani ko TaTola na karo

lafz-o-manzar meñ ma.ānī ko TaTolā na karo

hosh vaale ho to har baat ko samjhā na karo

vo nahīñ hai na sahī tark-e-tamannā na karo

dil akelā hai ise aur akelā na karo

band āñkhoñ meñ haiñ nādīda zamāne paidā

khulī āñkhoñ hī se har chiiz ko dekhā na karo

din to hañgāma-e-hastī meñ guzar jā.egā

sub.h tak shaam ko afsāna-dar-afsāna karo

lafz-o-manzar mein maani ko TaTola na karo

hosh wale ho to har baat ko samjha na karo

wo nahin hai na sahi tark-e-tamanna na karo

dil akela hai ise aur akela na karo

band aankhon mein hain nadida zamane paida

khuli aankhon hi se har chiz ko dekha na karo

din to hangama-e-hasti mein guzar jaega

subh tak sham ko afsana-dar-afsana karo