kul aalam-e-wajud ki ek dasht-e-nur tha

kul ālam-e-vajūd ki ik dasht-e-nūr thā

saarā hijāb tīra-dilī kā qusūr thā

samjhe the johd-e-ishq meñ ham surḳh-rū hue

dekhā magar to shīsha-e-dil chuur chuur thā

pahuñche na yuuñ hī manzil-e-iz.hār-e-zāt tak

taht-e-shu.ūr ik safar-e-lā-shu.ūr thā

thā jo qarīb us ko basīrat na thī nasīb

jo dekhtā thā mujh ko bahut mujh se duur thā

mub.ham the sab nuqūsh naqāboñ kī dhund meñ

chehra ik aur bhī pas-e-chehra zarūr thā

kul aalam-e-wajud ki ek dasht-e-nur tha

sara hijab tira-dili ka qusur tha

samjhe the johd-e-ishq mein hum surKH-ru hue

dekha magar to shisha-e-dil chur chur tha

pahunche na yun hi manzil-e-izhaar-e-zat tak

taht-e-shuur ek safar-e-la-shuur tha

tha jo qarib us ko basirat na thi nasib

jo dekhta tha mujh ko bahut mujh se dur tha

mubham the sab nuqush naqabon ki dhund mein

chehra ek aur bhi pas-e-chehra zarur tha