koi had nahin hai kamal ki
koī had nahīñ hai kamāl kī
koī had nahīñ hai jamāl kī
vahī qurb o duur kī manzileñ
vahī shaam ḳhvāb-o-ḳhayāl kī
na mujhe hī us kā pata koī
na use ḳhabar mire haal kī
ye javāb merī sadā kā hai
ki sadā hai us ke savāl kī
ye namāz-e-asr kā vaqt hai
ye ghaḌī hai din ke zavāl kī
vo qayāmateñ jo guzar ga.iiñ
thiiñ amānateñ ka.ī saal kī
hai 'munīr' terī nigāh meñ
koī baat gahre malāl kī
koi had nahin hai kamal ki
koi had nahin hai jamal ki
wahi qurb o dur ki manzilen
wahi sham KHwab-o-KHayal ki
na mujhe hi us ka pata koi
na use KHabar mere haal ki
ye jawab meri sada ka hai
ki sada hai us ke sawal ki
ye namaz-e-asr ka waqt hai
ye ghaDi hai din ke zawal ki
wo qayamaten jo guzar gain
thin amanaten kai sal ki
hai 'munir' teri nigah mein
koi baat gahre malal ki
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
