kis fikr kis KHayal mein khoya hua sa hai
kis fikr kis ḳhayāl meñ khoyā huā sā hai
dil aaj terī yaad ko bhūlā huā sā hai
gulshan meñ is tarah se kab aa.ī thī fasl-e-gul
har phuul apnī shāḳh se TuuTā huā sā hai
chal chal ke thak gayā hai ki manzil nahīñ koī
kyuuñ vaqt ek moḌ pe Thahrā huā sā hai
kyā hādisa huā hai jahāñ meñ ki aaj phir
chehra har ek shaḳhs kā utrā huā sā hai
nazrāna tere husn ko kyā deñ ki apne paas
le de ke ek dil hai so TuuTā huā sā hai
pahle the jo bhī aaj magar kārobār-e-ishq
duniyā ke kārobār se miltā huā sā hai
lagtā hai us kī bātoñ se ye 'shahryār' bhī
yāroñ ke iltifāt kā maarā huā sā hai
kis fikr kis KHayal mein khoya hua sa hai
dil aaj teri yaad ko bhula hua sa hai
gulshan mein is tarah se kab aai thi fasl-e-gul
har phul apni shaKH se TuTa hua sa hai
chal chal ke thak gaya hai ki manzil nahin koi
kyun waqt ek moD pe Thahra hua sa hai
kya hadisa hua hai jahan mein ki aaj phir
chehra har ek shaKHs ka utra hua sa hai
nazrana tere husn ko kya den ki apne pas
le de ke ek dil hai so TuTa hua sa hai
pahle the jo bhi aaj magar karobar-e-ishq
duniya ke karobar se milta hua sa hai
lagta hai us ki baaton se ye 'shahryar' bhi
yaron ke iltifat ka mara hua sa hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
