kisi ki aankh mein ho mera KHwab na-mumkin
kisī kī aañkh meñ ho merā ḳhvāb nā-mumkin
ki raat tiin baje āftāb nā-mumkin
vo roz pūchhtā hai ki batā.eñ mumkin hai
maiñ roz detā huuñ bas ik javāb nā-mumkin
binā paroñ ke uḌāneñ nahīñ bharī jātīñ
baġhair kuchh kiye hoñ kāmyāb nā-mumkin
ham aise log mohabbat se maan jaate haiñ
anā ke zor pe 'ālī-janāb nā-mumkin
tū us ko apne liye sochtā hai pāgal hai
are vo 'kāshif'-e-ḳhāna-ḳharāb nā-mumkin
kisi ki aankh mein ho mera KHwab na-mumkin
ki raat tin baje aaftab na-mumkin
wo roz puchhta hai ki bataen mumkin hai
main roz deta hun bas ek jawab na-mumkin
bina paron ke uDanen nahin bhari jatin
baghair kuchh kiye hon kaamyab na-mumkin
hum aise log mohabbat se man jate hain
ana ke zor pe 'ali-janab na-mumkin
tu us ko apne liye sochta hai pagal hai
are wo 'kashif'-e-KHana-KHarab na-mumkin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
