arsh se TuT ke girta hua tara dekhun
'arsh se TuuT ke girtā huā taarā dekhūñ
terī āñkhoñ meñ rahūñ aur nazāra dekhūñ
dil kī bas āḳhrī ḳhvāhish thī tumheñ paane kī
bujhtī āñkhoñ se tumheñ aao dobāra dekhūñ
zindagī roz guzārī hai taḌap kar maiñ ne
kaise badlā mirī qismat kā sitāra dekhūñ
mujh pe is darja mohabbat kā junūñ taarī hai
muuñd kar aañkh faqat ḳhvāb tumhārā dekhūñ
maut ke muñh se palaT ā.ūñgā maiñ bhī 'zāhir'
us kī jānib se agar koī ishāra dekhūñ
'arsh se TuT ke girta hua tara dekhun
teri aankhon mein rahun aur nazara dekhun
dil ki bas aaKHri KHwahish thi tumhein pane ki
bujhti aankhon se tumhein aao dobara dekhun
zindagi roz guzari hai taDap kar main ne
kaise badla meri qismat ka sitara dekhun
mujh pe is darja mohabbat ka junun tari hai
mund kar aankh faqat KHwab tumhaara dekhun
maut ke munh se palaT aaunga main bhi 'zahir'
us ki jaanib se agar koi ishaara dekhun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
