duniya mein hun duniya ka talabgar nahin hun

duniyā meñ huuñ duniyā kā talabgār nahīñ huuñ

bāzār se guzrā huuñ ḳharīdār nahīñ huuñ

zinda huuñ magar ziist kī lazzat nahīñ baaqī

har-chand ki huuñ hosh meñ hushyār nahīñ huuñ

is ḳhāna-e-hastī se guzar jā.ūñgā be-laus

saaya huuñ faqat naqsh-ba-dīvār nahīñ huuñ

afsurda huuñ ibrat se davā kī nahīñ hājat

ġham kā mujhe ye zo.af hai bīmār nahīñ huuñ

vo gul huuñ ḳhizāñ ne jise barbād kiyā hai

uljhūñ kisī dāman se maiñ vo ḳhaar nahīñ huuñ

yā rab mujhe mahfūz rakh us but ke sitam se

maiñ us kī ināyat kā talabgār nahīñ huuñ

go dāva-e-taqvā nahīñ dargāh-e-ḳhudā meñ

but jis se hoñ ḳhush aisā gunahgār nahīñ huuñ

afsurdagī o zo.af kī kuchh had nahīñ 'akbar'

kāfir ke muqābil meñ bhī dīñ-dār nahīñ huuñ

duniya mein hun duniya ka talabgar nahin hun

bazar se guzra hun KHaridar nahin hun

zinda hun magar zist ki lazzat nahin baqi

har-chand ki hun hosh mein hushyar nahin hun

is KHana-e-hasti se guzar jaunga be-laus

saya hun faqat naqsh-ba-diwar nahin hun

afsurda hun ibrat se dawa ki nahin hajat

gham ka mujhe ye zoaf hai bimar nahin hun

wo gul hun KHizan ne jise barbaad kiya hai

uljhun kisi daman se main wo KHar nahin hun

ya rab mujhe mahfuz rakh us but ke sitam se

main us ki inayat ka talabgar nahin hun

go dawa-e-taqwa nahin dargah-e-KHuda mein

but jis se hon KHush aisa gunahgar nahin hun

afsurdagi o zoaf ki kuchh had nahin 'akbar'

kafir ke muqabil mein bhi din-dar nahin hun