itna dimagh par hai asar haal-e-zar ka
itnā dimāġh par hai asar hāl-e-zār kā
qissa bayāñ huā na dil-e-dāġh-dār kā
tausīf kab huī hai kisī be-shu'ūr kī
kartā hai ehtirām jahāñ hoshyār kā
kyuuñ Dagmagā rahe haiñ qadam rāh-e-zīst meñ
kyā aap ko ḳhayāl hai apne vaqār kā
uḌtī hai ret aag kā tūfāñ liye hue
naqsha badal sakā na koī reg-zār kā
gar ho sake to aur 'atā kījiye numūd
rutba ghaTā.iye na kisī nām-dār kā
chhūne lagā hai chāñd sitāroñ kī sarhadeñ
kitnī bulandiyoñ pe hai rutba ġhubār kā
'ātish' vafā-parast nahīñ hote sar-nigūñ
saare jahāñ meñ zikr hai un ke vaqār kā
itna dimagh par hai asar haal-e-zar ka
qissa bayan hua na dil-e-dagh-dar ka
tausif kab hui hai kisi be-shu'ur ki
karta hai ehtiram jahan hoshyar ka
kyun Dagmaga rahe hain qadam rah-e-zist mein
kya aap ko KHayal hai apne waqar ka
uDti hai ret aag ka tufan liye hue
naqsha badal saka na koi reg-zar ka
gar ho sake to aur 'ata kijiye numud
rutba ghaTaiye na kisi nam-dar ka
chhune laga hai chand sitaron ki sarhaden
kitni bulandiyon pe hai rutba ghubar ka
'atish' wafa-parast nahin hote sar-nigun
sare jahan mein zikr hai un ke waqar ka
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
