KHulus-e-dost bhi dushman ke pyar jaisa hai
ḳhulūs-e-dost bhī dushman ke pyaar jaisā hai
latīf lahja bhī ḳhanjar kī dhaar jaisā hai
na ghar meñ chain na bāhar qarār jaisā hai
zarūr mujh meñ koī intishār jaisā hai
abhī to baaqī hai zaḳhmoñ kī ā.ina-dārī
abhī se haal tirā sharmsār jaisā hai
na jaane kaun-sī manzil ke ye musāfir haiñ
koī havā koī gard-o-ġhubār jaisā hai
rahegā mansab-e-dīvāngī ye kitne din
junūñ ke zo'm meñ jo hoshyār jaisā hai
mujhe ba-nām-e-muhājir pukārtā hai 'na'īm'
ba-zāt-e-ḳhud jo ġharīb-ud-dayār jaisā hai
KHulus-e-dost bhi dushman ke pyar jaisa hai
latif lahja bhi KHanjar ki dhaar jaisa hai
na ghar mein chain na bahar qarar jaisa hai
zarur mujh mein koi intishaar jaisa hai
abhi to baqi hai zaKHmon ki aaina-dari
abhi se haal tera sharmsar jaisa hai
na jaane kaun-si manzil ke ye musafir hain
koi hawa koi gard-o-ghubar jaisa hai
rahega mansab-e-diwangi ye kitne din
junun ke zo'm mein jo hoshyar jaisa hai
mujhe ba-nam-e-muhajir pukarta hai 'na'im'
ba-zat-e-KHud jo gharib-ud-dayar jaisa hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
