kaise duniya ka jaeza kiya jae
kaise duniyā kā jā.eza kiyā jaa.e
dhyān tujh se agar haTā liyā jaa.e
tez āñdhī meñ ye bhī kaafī hai
peḌ tasvīr meñ bachā liyā jaa.e
ham jise chāheñ apnā kahte raheñ
vahī apnā hai jis ko pā liyā jaa.e
ek hone kī qasmeñ khaa.ī jaa.eñ
aur āḳhir meñ kuchh diyā liyā jaa.e
zindagī maut ke darīche ko
ek parda hai jab uThā liyā jaa.e
kyuuñ na aaj apnī bebasī kā 'farāġh'
duur se baiTh kar maza liyā jaa.e
kaise duniya ka jaeza kiya jae
dhyan tujh se agar haTa liya jae
tez aandhi mein ye bhi kafi hai
peD taswir mein bacha liya jae
hum jise chahen apna kahte rahen
wahi apna hai jis ko pa liya jae
ek hone ki qasmen khai jaen
aur aaKHir mein kuchh diya liya jae
zindagi maut ke dariche ko
ek parda hai jab uTha liya jae
kyun na aaj apni bebasi ka 'faragh'
dur se baiTh kar maza liya jae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
