kahin ummid si hai dil ke nihan KHane mein

kahīñ ummīd sī hai dil ke nihāñ ḳhāne meñ

abhī kuchh vaqt lagegā use samjhāne meñ

mausam-e-gul ho ki patjhaḌ ho balā se apnī

ham ki shāmil haiñ na khilne meñ na murjhāne meñ

ham se maḳhfī nahīñ kuchh rahguzar-e-shauq kā haal

ham ne ik umr guzārī hai havā khāne meñ

hai yūñhī ghūmte rahne kā maza hī kuchh aur

aisī lazzat na pahuñchne meñ na rah jaane meñ

na.e dīvānoñ ko dekheñ to ḳhushī hotī hai

ham bhī aise hī the jab aa.e the vīrāne meñ

mausamoñ kā koī mahram ho to us se pūchho

kitne patjhaḌ abhī baaqī haiñ bahār aane meñ

kahin ummid si hai dil ke nihan KHane mein

abhi kuchh waqt lagega use samjhane mein

mausam-e-gul ho ki patjhaD ho bala se apni

hum ki shamil hain na khilne mein na murjhane mein

hum se maKHfi nahin kuchh rahguzar-e-shauq ka haal

hum ne ek umr guzari hai hawa khane mein

hai yunhi ghumte rahne ka maza hi kuchh aur

aisi lazzat na pahunchne mein na rah jaane mein

nae diwanon ko dekhen to KHushi hoti hai

hum bhi aise hi the jab aae the virane mein

mausamon ka koi mahram ho to us se puchho

kitne patjhaD abhi baqi hain bahaar aane mein