kahan ke nam o nasab ilm kya fazilat kya

kahāñ ke naam o nasab ilm kyā fazīlat kyā

jahān-e-rizq meñ tauqīr-e-ahl-e-hājat kyā

shikam kī aag liye phir rahī hai shahr-ba-shahr

sag-e-zamāna haiñ ham kyā hamārī hijrat kyā

dimashq-e-maslahat o kūfa-e-nifāq ke biich

fuġhān-e-qāfila-e-be-navā kī qīmat kyā

ma.āl-e-izzat-e-sādāt-e-ishq dekh ke ham

badal ga.e to badalne pe itnī hairat kyā

qimār-ḳhāna-e-hastī meñ ek baazī par

tamām umr lagā dī to phir shikāyat kyā

faroġh-e-san.at-e-qad-āvarī kā mausam hai

subuk hue pe bhī niklā hai qadd-o-qāmat kyā

kahan ke nam o nasab ilm kya fazilat kya

jahan-e-rizq mein tauqir-e-ahl-e-hajat kya

shikam ki aag liye phir rahi hai shahr-ba-shahr

sag-e-zamana hain hum kya hamari hijrat kya

dimashq-e-maslahat o kufa-e-nifaq ke bich

fughan-e-qafila-e-be-nawa ki qimat kya

maal-e-izzat-e-sadat-e-ishq dekh ke hum

badal gae to badalne pe itni hairat kya

qimar-KHana-e-hasti mein ek bazi par

tamam umr laga di to phir shikayat kya

farogh-e-sanat-e-qad-awari ka mausam hai

subuk hue pe bhi nikla hai qadd-o-qamat kya