kabhī dāmān-e-dil par dāġh-e-māyūsī nahīñ aayā
idhar va.ada kiyā us ne udhar dil ko yaqīñ aayā
mohabbat-āshnā dil maz.hab-o-millat ko kyā jaane
huī raushan jahāñ bhī sham-e-parvāna nahīñ aayā
do-ālam se guzar ke bhī dil-e-āshiq hai āvāra
abhī tak ye musāfir apnī manzil par nahīñ aayā
mirī jānib se un ke dil meñ kis shikve pe kiina hai
vo shikva jo zabāñ par kyā abhī dil meñ nahīñ aayā
hayāt-e-be-ḳhudī kuchh aisī nā-mahsūs thī 'nātiq'
ajal aa.ī to mujh ko apnī hastī kā yaqīñ aayā
kabhi daman-e-dil par dagh-e-mayusi nahin aaya
idhar wada kiya us ne udhar dil ko yaqin aaya
mohabbat-ashna dil mazhab-o-millat ko kya jaane
hui raushan jahan bhi sham-e-parwana nahin aaya
do-alam se guzar ke bhi dil-e-ashiq hai aawara
abhi tak ye musafir apni manzil par nahin aaya
meri jaanib se un ke dil mein kis shikwe pe kina hai
wo shikwa jo zaban par kya abhi dil mein nahin aaya
hayat-e-be-KHudi kuchh aisi na-mahsus thi 'natiq'
ajal aai to mujh ko apni hasti ka yaqin aaya
Source :
- Book : Noquush (Pg. B-315 E-331)
-
Publication : Nuqoosh Press Lahore
(May June 1954)
- Edition : May June 1954
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.