main kab se sitaron ka jahan DhunD raha hun

maiñ kab se sitāroñ kā jahāñ DhūñD rahā huuñ

hai kyā tirī āñkhoñ meñ nihāñ DhūñD rahā huuñ

siine meñ tire saath dhaḌaktā hai mirā dil

is vajh se maiñ is ko vahāñ DhūñD rahā huuñ

duniyā kī kashākash se nikalne ke liye maiñ

aslāf ke qadmoñ ke nishāñ DhūñD rahā huuñ

din raat kisī dard se jaltā hai mirā dil

āñkhoñ meñ chhupā hai jo dhuāñ DhūñD rahā huuñ

maiñ barq kī raftār se guzrūñgā yahāñ se

ik rāsta aisā hai kahāñ DhūñD rahā huuñ

'farhān' mire saath raho shahr-e-vafā meñ

maiñ apne liye ek makāñ DhūñD rahā huuñ

main kab se sitaron ka jahan DhunD raha hun

hai kya teri aankhon mein nihan DhunD raha hun

sine mein tere sath dhaDakta hai mera dil

is wajh se main is ko wahan DhunD raha hun

duniya ki kashakash se nikalne ke liye main

aslaf ke qadmon ke nishan DhunD raha hun

din raat kisi dard se jalta hai mera dil

aankhon mein chhupa hai jo dhuan DhunD raha hun

main barq ki raftar se guzrunga yahan se

ek rasta aisa hai kahan DhunD raha hun

'farhan' mere sath raho shahr-e-wafa mein

main apne liye ek makan DhunD raha hun