kisi ke naqsh-e-kaf-e-pa pe chal raha hun main

kisī ke naqsh-e-kaf-e-pā pe chal rahā huuñ maiñ

har ek gaam pe gir kar sañbhal rahā huuñ maiñ

jabīñ pe ḳhāk-e-dar-e-yār mal rahā huuñ maiñ

isī tarah se muqaddar badal rahā huuñ maiñ

ye kaisī aag hai tum mujh se pūchhte kyā ho

harārat-e-ġham-e-daurāñ se jal rahā huuñ maiñ

tirī ḳhushī ke liye terī bāryābī ko

har ek rang ke sāñche meñ Dhal rahā huuñ maiñ

sanam-kade meñ kabhī mai-kade haram meñ kabhī

tirī talāsh meñ barsoñ se chal rahā huuñ maiñ

hai jo bhī jaisā bhī 'maikash' magar tumhārā hai

bachā lo paar junūñ ke nikal rahā huuñ maiñ

kisi ke naqsh-e-kaf-e-pa pe chal raha hun main

har ek gam pe gir kar sanbhal raha hun main

jabin pe KHak-e-dar-e-yar mal raha hun main

isi tarah se muqaddar badal raha hun main

ye kaisi aag hai tum mujh se puchhte kya ho

hararat-e-gham-e-dauran se jal raha hun main

teri KHushi ke liye teri baryabi ko

har ek rang ke sanche mein Dhal raha hun main

sanam-kade mein kabhi mai-kade haram mein kabhi

teri talash mein barson se chal raha hun main

hai jo bhi jaisa bhi 'maikash' magar tumhaara hai

bacha lo par junun ke nikal raha hun main