humse pahle koi is rah mein aaya bhi nahin

ham se pahle koī is raah meñ aayā bhī nahīñ

rahbar-e-dasht koī naqsh-e-kaf-e-pā bhī nahīñ

ek bādal hai jo māhaul pe chhāyā hai hanūz

kabhī khultā bhī nahīñ aur barastā bhī nahīñ

kitnā bedard hai ye shahr ki dam lene ko

kisī kūche kisī bāzār meñ saayā bhī nahīñ

jāne-pahchāne hue log na pahchāne hameñ

raushnī tez nahīñ hai to añdherā bhī nahīñ

jaane kyuuñ zikr mirā sab se kiyā kartā hai

ik hasīñ shaḳhs ki jis ne mujhe dekhā bhī nahīñ

har qadam par tire ham-shakl se mil jaate haiñ

tū agar saath nahīñ hai to maiñ tanhā bhī nahīñ

hum se pahle koi is rah mein aaya bhi nahin

rahbar-e-dasht koi naqsh-e-kaf-e-pa bhi nahin

ek baadal hai jo mahaul pe chhaya hai hanuz

kabhi khulta bhi nahin aur barasta bhi nahin

kitna bedard hai ye shahr ki dam lene ko

kisi kuche kisi bazar mein saya bhi nahin

jaane-pahchane hue log na pahchane hamein

raushni tez nahin hai to andhera bhi nahin

jaane kyun zikr mera sab se kiya karta hai

ek hasin shaKHs ki jis ne mujhe dekha bhi nahin

har qadam par tere ham-shakl se mil jate hain

tu agar sath nahin hai to main tanha bhi nahin