jis ne ek ahd ke zehnon ko jila di hogi
jis ne ik ahd ke zehnoñ ko jilā dī hogī
mere āvāra ḳhayālāt kī bijlī hogī
le uḌī hai tire hāthoñ kī hinā pichhle pahar
mere uljhe hue afkār kī āñdhī hogī
jitnī mil jā.egī kāñToñ kī chubhan le lūñgā
jo bhī hālat dil-e-be-tāb kī hogī hogī
ham na māneñge ḳhamoshī hai tamannā kā mizāj
haañ bharī bazm meñ vo bol na paa.ī hogī
merī nā-kāmi-e-hālāt ke dhāre ke sivā
ek naddī bhī to be-āb na bahtī hogī
hai 'razā' aaj kā aalam to asīr-e-ib.hām
yaar zinda haiñ to kal aur taraqqī hogī
jis ne ek ahd ke zehnon ko jila di hogi
mere aawara KHayalat ki bijli hogi
le uDi hai tere hathon ki hina pichhle pahar
mere uljhe hue afkar ki aandhi hogi
jitni mil jaegi kanTon ki chubhan le lunga
jo bhi haalat dil-e-be-tab ki hogi hogi
hum na manenge KHamoshi hai tamanna ka mizaj
han bhari bazm mein wo bol na pai hogi
meri na-kaami-e-haalat ke dhaare ke siwa
ek naddi bhi to be-ab na bahti hogi
hai 'raza' aaj ka aalam to asir-e-ibham
yar zinda hain to kal aur taraqqi hogi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
