jis din se apna tarz-e-faqirana chhuT gaya
jis din se apnā tarz-e-faqīrāna chhuT gayā
shāhī to mil ga.ī dil-e-shāhāna chhuT gayā
koī to ġham-gusār thā koī to dost thā
ab kis ke paas jaa.eñ ki vīrāna chhuT gayā
duniyā tamām chhuT ga.ī paimāne ke liye
vo mai-kade meñ aa.e to paimāna chhuT gayā
kyā tez-pā the din kī tamāzat ke qāfile
hāthoñ se rishta-e-shab-e-afsāna chhuT gayā
ik din hisāb hogā ki duniyā ke vāste
kin sāhiboñ kā maslak-e-rindāna chhuT gayā
jis din se apna tarz-e-faqirana chhuT gaya
shahi to mil gai dil-e-shahana chhuT gaya
koi to gham-gusar tha koi to dost tha
ab kis ke pas jaen ki virana chhuT gaya
duniya tamam chhuT gai paimane ke liye
wo mai-kade mein aae to paimana chhuT gaya
kya tez-pa the din ki tamazat ke qafile
hathon se rishta-e-shab-e-afsana chhuT gaya
ek din hisab hoga ki duniya ke waste
kin sahibon ka maslak-e-rindana chhuT gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
