jangalon mein justuju-e-qais-e-sahrai karun
jangalon mein justuju-e-qais-e-sahrai karun
Mirza Mohammad Taqi Hawas
MORE BYMirza Mohammad Taqi Hawas
jañgaloñ meñ justuju-e-qais-e-sahrā.ī karūñ
kab talak DhūñDūñ kahāñ tak jāda-paimā.ī karūñ
gar koī maane na ho vaañ sajda karne kā mujhe
āstān-e-yār par barsoñ jabīñ-sā.ī karūñ
bazm-e-hastī meñ nahīñ juz bekasī apnā rafīq
kis kī ḳhātir dosto maiñ mahfil-ārā.ī karūñ
ġhārat-e-dil kā jo kartā hai irāda tark-e-chashm
ġhamza kahtā hai maiñ tārāj shakebā.ī karūñ
le ga.e jab tere dīvāne ko iisā ne kahā
har ghaḌī maiñ kyā ilāj-e-mard-e-saudā.ī karūñ
āshnā koī nazar aatā nahīñ yaañ ai 'havas'
kis ko maiñ apnā anīs-e-kunj-e-tanhā.ī karūñ
jangalon mein justuju-e-qais-e-sahrai karun
kab talak DhunDun kahan tak jada-paimai karun
gar koi mane na ho wan sajda karne ka mujhe
aastan-e-yar par barson jabin-sai karun
bazm-e-hasti mein nahin juz bekasi apna rafiq
kis ki KHatir dosto main mahfil-arai karun
ghaarat-e-dil ka jo karta hai irada tark-e-chashm
ghamza kahta hai main taraj shakebai karun
le gae jab tere diwane ko isa ne kaha
har ghaDi main kya ilaj-e-mard-e-saudai karun
aashna koi nazar aata nahin yan ai 'hawas'
kis ko main apna anis-e-kunj-e-tanhai karun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
