jag mein koi na Tuk hansa hoga
jag meñ koī na Tuk hañsā hogā
ki na hañste meñ ro diyā hogā
un ne qasdan bhī mere naale ko
na sunā hogā gar sunā hogā
dekhiye ab ke ġham se jī merā
na bachegā bachegā kyā hogā
dil zamāne ke haath se sālim
koī hogā jo rah gayā hogā
haal mujh ġham-zada kā jis tis ne
jab sunā hogā ro diyā hogā
dil ke phir zaḳhm taaza hote haiñ
kahīñ ġhuncha koī khilā hogā
yak-ba-yak naam le uThā merā
jī meñ kyā us ke aa gayā hogā
mere nāloñ pe koī duniyā meñ
bin kiye aah kam rahā hogā
lekin us ko asar ḳhudā jaane
na huā hogā yā huā hogā
qatl se mere vo jo baaz rahā
kisī bad-ḳhvāh ne kahā hogā
dil bhī ai 'dard' qatra-e-ḳhūñ thā
āñsuoñ meñ kahīñ girā hogā
jag mein koi na Tuk hansa hoga
ki na hanste mein ro diya hoga
un ne qasdan bhi mere nale ko
na suna hoga gar suna hoga
dekhiye ab ke gham se ji mera
na bachega bachega kya hoga
dil zamane ke hath se salim
koi hoga jo rah gaya hoga
haal mujh gham-zada ka jis tis ne
jab suna hoga ro diya hoga
dil ke phir zaKHm taza hote hain
kahin ghuncha koi khila hoga
yak-ba-yak nam le uTha mera
ji mein kya us ke aa gaya hoga
mere nalon pe koi duniya mein
bin kiye aah kam raha hoga
lekin us ko asar KHuda jaane
na hua hoga ya hua hoga
qatl se mere wo jo baz raha
kisi bad-KHwah ne kaha hoga
dil bhi ai 'dard' qatra-e-KHun tha
aansuon mein kahin gira hoga
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
