ek pal mein zindagi bhar ki udasi de gaya
ek pal meñ zindagī bhar kī udāsī de gayā
vo judā hote hue kuchh phuul baasī de gayā
noch kar shāḳhoñ ke tan se ḳhushk pattoñ kā libās
zard mausam bāñjh-rut ko be-libāsī de gayā
sub.h ke taare mirī pahlī duā tere liye
tū dil-e-be-sabr ko taskīñ zarā sī de gayā
log malboñ meñ dabe saa.e bhī dafnāne lage
zalzala ahl-e-zamīñ ko bad-havāsī de gayā
tund jhoñke kī ragoñ meñ ghol kar apnā dhuāñ
ik diyā andhī havā ko ḳhud-shanāsī de gayā
le gayā 'mohsin' vo mujh se abr bantā āsmāñ
us ke badle meñ zamīñ sadiyoñ kī pyāsī de gayā
ek pal mein zindagi bhar ki udasi de gaya
wo juda hote hue kuchh phul basi de gaya
noch kar shaKHon ke tan se KHushk patton ka libas
zard mausam banjh-rut ko be-libasi de gaya
subh ke tare meri pahli dua tere liye
tu dil-e-be-sabr ko taskin zara si de gaya
log malbon mein dabe sae bhi dafnane lage
zalzala ahl-e-zamin ko bad-hawasi de gaya
tund jhonke ki ragon mein ghol kar apna dhuan
ek diya andhi hawa ko KHud-shanasi de gaya
le gaya 'mohsin' wo mujh se abr banta aasman
us ke badle mein zamin sadiyon ki pyasi de gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
