aah meri rasa nahin hoti
aah merī rasā nahīñ hotī
kyuuñ muāfiq havā nahīñ hotī
bandagī kā ḳhayāl hai nā-haq
bandagī jab adā nahīñ hotī
jabr kī intihā to hotī hai
sabr kī intihā nahīñ hotī
maiñ to duniyā se ho bhī jā.ūñ judā
mujh se duniyā judā nahīñ hotī
kyā kaheñ dil kī baat ai 'bismil'
shā'irī meñ adā nahīñ hotī
aah meri rasa nahin hoti
kyun muafiq hawa nahin hoti
bandagi ka KHayal hai na-haq
bandagi jab ada nahin hoti
jabr ki intiha to hoti hai
sabr ki intiha nahin hoti
main to duniya se ho bhi jaun juda
mujh se duniya juda nahin hoti
kya kahen dil ki baat ai 'bismil'
sha'iri mein ada nahin hoti
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
