jabr-e-haalat ka to nam liya hai tumne

jabr-e-hālāt kā to naam liyā hai tum ne

apne sar bhī kabhī ilzām liyā hai tum ne

mai-kashī ke bhī kuchh ādāb baratnā sīkho

haath meñ apne agar jaam liyā hai tum ne

umr guzrī hai añdhere kā hī mātam karte

apne shole se bhī kuchh kaam liyā hai tum ne

ham faqīroñ se satā.ish kī tamannā kaisī

shahryāroñ se jo in.aam liyā hai tum ne

qarz bhī un ke muānī kā adā karnā hai

garche lafzoñ se baḌā kaam liyā hai tum ne

un usūloñ ke kabhī zaḳhm bhī khaa.e hote

jin usūloñ kā bahut naam liyā hai tum ne

lab pe aate haiñ bahut zauq-e-safar ke naġhme

aur har gaam pe ārām liyā hai tum ne

jabr-e-haalat ka to nam liya hai tum ne

apne sar bhi kabhi ilzam liya hai tum ne

mai-kashi ke bhi kuchh aadab baratna sikho

hath mein apne agar jam liya hai tum ne

umr guzri hai andhere ka hi matam karte

apne shole se bhi kuchh kaam liya hai tum ne

hum faqiron se sataish ki tamanna kaisi

shahryaron se jo inam liya hai tum ne

qarz bhi un ke muani ka ada karna hai

garche lafzon se baDa kaam liya hai tum ne

un usulon ke kabhi zaKHm bhi khae hote

jin usulon ka bahut nam liya hai tum ne

lab pe aate hain bahut zauq-e-safar ke naghme

aur har gam pe aaram liya hai tum ne